Heydər Əliyev Mərkəzi
Bu gün məktəbin XIIIb sinfi Heydər Əliyev Mərkəzinə ekskursiya etdilər. Heydər Əliyev Mərkəzinin və Azərbaycan Gənclər Fondunun birgə iştirakı ilə "Gənclərdə ekoloji mədəniyyət təşəbbüsünün artırılmasına dəstək " mövzusunda "Dəyirmi masa" təşkil olundu. Ekologiya və biomüxtəliflik haqqında şagirdlərə məlumat veridi.Qeyd oludu ki,biomüxtəliflik Yer kürəsində həyatın müxtəlifliyini təcəssüm etdirməklə bəşəriyyəti ekosistemlərin canlı məhsulları ilə təmin edir, cəmiyyətin rifahı və iqtisadi potensialın əsası, başlıca həyat mənbəyi kimi davamlı inkişafa və ərzaq təhlükəsizliyinə nail olunmasında ən mühüm vasitə rolunu oynayır. İnsan tarixin istənilən digər dövrləri ilə müqayisədə bu gün təbii ekosistemləri daha sürətlə və geniş miqyasda dəyişdirir. Bioehtiyatların və digər təbii komponentlərin (iqlim, yer səthinin relyefi, səth və qrunt suları, torpaqlar və s.) vəziyyətinə mənfi antropogen təsirlərin artması və hədsiz istifadə nəticəsində biomüxtəlifliyə ciddi ziyan dəyir. Bu gün artıq təbii floranın zənginliyi qorunan ərazilərin sərhədlərinə doğru sıxışdırılmaqda, təbii biosenozlar və ekosistemlər eroziya proseslərinin məhvedici təzyiqinə getdikcə daha çox məruz qalmaqdadır. Gəlin, bizim də tərkib hissəsi olduğumuz mühiti və bu mühitin ən vacib elementi olan bioloji müxtəlifliyi qoruyaq! Canlı həyatın gələcəyi həmişə olduğundan daha artıq öz əllərimizdədir!Sonda xatirə şəkli çəkildi.
