Elimizə bahar gəlir
Bayramlar... Onların bir çoxunu insanlar təbiət, cəmiyyət üzərində qələbələrini təsdiq etmək üçün yaradıblar.Lakin bu bayramlar sırasında elələri də var ki, taleyimiz kimi bizə təmənnasız bəxş olunub. Bu bayramın təntənəsinə insan daxili, ruhi oyanışın təsiri ilə hazırlaşır. Bu hər bir xalqın milli bayramıdır. Xalqımızın belə böyük bayramlarından biri də Novruz bayramıdır.Tarixi çox qədim olan Novruz bayramı hər il xalqımız tərəfindən böyük təntənə ilə qeyd olunur.Novruz bayramı münasibətilə məktəbimizdə də”Novruzum”adlı şənlik keçirildi.Şənliyi məktəbin tərbiyə işləri üzrə direktor müavini Lalə Nəsirova açdı. Məktəbin müəllim, şagird kollektivini, həmçinin tədbirdə iştirak edən qonaqları salamladı, hamının bayramını təbrik etdi.Şənlikdə şagirdlər Novruz bayramına həsr olunmuş şeirlər söylədilər, mahnılar oxudular və rəqslər nümayiş etdilər.Novruz bayramının personajları olan Kosa və Keçəlin çıxışı xoş təsurat oyatdı. Sonda məktəbin direktoru Firəngiz Həsənova "Novruz-2017" şeir müsabiqəsinin, həmçinin ilərzidə müsabiqələrdə iştirak edib qalib gələn şagirdləri fəxri fərmanla təltif etdi.Novruz bayramınız mübarək!
