Şəhidini tanı
"Vətən yolunda şəhid olanlar ölmürlər, xalqın qəlbində, ürəyində əbədi yaşayırlar... Biz onların qəhrəmanlığı, şəhidliyi ilə fəxr edirik. Bu bizim millətimizin iftixarıdır".
Sentyabrın 27-si məktəbin ibtidai sinif müəllimi Gülüsüm İsmayılova 5d sinif şagirdləri ilə birlikdə Xüsusi Təyinatlı Qüvvələrin giziri şəhid Şahmar Mənəfovun həyatı və şərəfli döyüş yolundan bəhs edən tədbir hazırlayıb.
Tədbirdə Şəhidin həyat yoldaşı eyni zamanda Texnologiya müəllimi olaraq məktəbə yeni təyinat almış Bəyim Mənəfova, Azərbaycan Qarabağ müharibəsi Əlilləri,Veteranları və Şəhid ailələri İB-nin Yasamal rayon Təşkilatının sədri ,ehtiyatda olan polkovnik Bəhram Şeydayev və Yasamal rayon Təhsil İşçiləri Azad Həmkarlar İttifaqının sədri Rövşən İbrahimli tədbirin qonağı olub.
Tədbir Azərbaycan Respublikasının Dövlət Himninin səslənməsi ilə başlayıb. Şahmar Mənəfovun və Vətənin azadlığı, ərazi bütövlüyü uğrunda canından keçmiş şəhidlərimizin ruhu bir dəqiqəlik sükut ilə yad edilib. Daha sonra şagirdlərin hazırladıqları şəhid Şahmar Mənəfovun həyatı və şərəfli döyüş yolundan bəhs edən videoçarxlar təqdim olunub, şeirlər səsləndirilib. Qeyd olunub ki, Şahmar Mənəfov Vətən müharibəsində göstərdiyi igidlik və qəhrəmanlıqlara görə “Vətən uğrunda”, “Xocavəndin azad olunmasına görə”, “Kəlbəcərin azad olunmasına görə” medalları və”Qarabağ” ordeni ilə təltif edilib.
Çıxış edən məktəbin direktoru Tünzalə Zeynalova şagirdlərin bu təşəbbüsünü yüksək qiymətləndirdiyini bildirib. Şəhidimizə Allahdan rəhmət və ailləsinə səbr diləyib.
