Torpaq uğrunda ölən varsa,Vətəndir...
Bəlkə bir parça çörəyi quru daş üstündə oturub yoldaşınla bölməkdi ,Vətən.
Bəlkə də ucalara sancılıb enməyən,bəlkə əsgərin öpdüyü,şəhidin büküldüyü bayraqda gizlidir ,Vətən.Bəlkə də "atamla qürur duyuram" deyən balaca oğlundur,Vətən...
29 Oktyabr tarixində məktəbdə ll Qarabağ müharibəsi qazilərinin şagirdlərlə görüşü keçirildi.
Tədbirdə Azərbaycan Qarabağ müharibəsi əlilləri,veteranları və şəhid ailələri cəmiyyətinin Yasamal Rayonu üzrə sədri polkovnik Bəhram Şeydayev,
ll Qarabağ qaziləri Əşrəf Qurbanov,Elçin Ağayev,Həşim Abbaszadə ,Cavid Aşurov və Yusif Abdullayev iştirak etdilər.
Tədbirdə çıxış edən qonaqlar,məktəbin direktoru və müəllimlər 44 günlük Vətən müharibəsi zamanı Azərbaycan Silahlı Qüvvələrinin Ali Baş Komandanı Cənab İlham Əliyevin qətiyyətindən ,xalq iqtidar birliyindən ,"dəmir yumruq"əməliyyatından danışaraq 30 illik həsrətdən sonra əldə etdiyimiz əzəli torpaqlarımızı qorumağı və şəhidlərimizi unutmamağı gənc nəslə tövsiyə etdilər.
