20 yanvar faciəsinin 30-cu ildönümü
Siniflərində 20 Yanvar faciəsinin 30-cu ildönümünə həsr olunmuş tədbir keçirildi. Şagirdlərə 20 Yanvar faciəsinin 30-cu ildönümü ilə əlaqədar olaraq dolğun məlumat verdilər. Sinif rəhbərləri qeyd etdilər ki, Qara Yanvar, bəzən Qanlı Yanvar və ya 20 Yanvar faciəsi kimi qeyd olunur — 1990-cı il yanvarın 19-dan 20-nə keçən gecə, saat 23.30-da Bakı şəhərinə keçmiş Sovet İttifaqının qoşun hissələri tərəfindən fövqəladə vəziyyət elan edilmədən yeridilmiş və dinc əhaliyə divan tutulmuş, nəticəsində yüzlərlə insan qətlə yetirildiyi, yaralandığı və itkin düşdüyü qırğın. Fövqəladə vəziyyətin tətbiqi əhaliyə elan olunanadək hərbi qulluqçular 82 nəfəri amansızcasına qətlə yetirmiş, 20 nəfəri ölümcül yaralamışlar. Fövqəladə vəziyyət elan edildikdən sonra isə yanvarın 20-də və sonrakı günlərdə Bakı şəhərində 21 nəfər öldürülmüşdür. Fövqəladə vəziyyətin elan olunmadığı rayonlarda — yanvarın 25-də Neftçaladada və yanvarın 26-da Lənkəranda daha 8 nəfər qətlə yetirilmişdir.
Şagirdlər 20 Yanvar faciəsinin 30-cu ildönümünə həsr olunmuş hazırladıqları səhnəcikləri nümayiş etdirdilər, şeirləri söylədilər.
