“Valideynin məktəbdə bir günü” lahiyəsi çərçivəsində valideynlərlə görüş
Bakı Şəhəri Təhsil İdarəsinin 28 yanvar 2019-cu il tarixli F-66 nömrəli əmrini əsas tutaraq mayın 31-də “Valideynin məktəbdə bir günü” layihəsi çərçivəsində valideynlərlə görüş keçirilib.
Əvvəlcə akt zalında direktor Leyla Baxşıyeva valideynləri məktəbin illik fəaliyyəti ilə tanış edib. Görülmüş tədbirlər, qazanılmış uğurlar valideynlərin diqqətinə hazırlanmış slayd vasitəsilə ilə çatdırılıb.
Daha sonra dərs cədvəli üzrə istədikləri siniflərdə tədris prosesinin gedişini izləyiblər, məktəbin sinif otaqları, laboratoriya, akt zalı, idman zalı ilə tanış olublar. Valideynlər bu layihənin təşkil olunduğu üçün Təhsil Nazirliyi, Bakı şəhəri üzrə Təhsil İdarəsi və məktəb rəhbərliyinə öz minnətdarlıqlarını bildiribər.
