Azərbaycanlı alim - Lütfi Zadənin doğum gününə həsr edilmiş tədbir keçirildi.
Lütfi Zadə - azərbaycanlı alim, süni intelellekt sahəsində qeyri-səlis məntiq nəzəriyyəsinin banisi, Kaliforniya Berkli Universitetinin professoru seçilmiş yeganə şəxsdir. Amerikadakı Azərbaycan diaspor təşkilatlarının fəxri sədri, bir çox xarici ölkə akademiyalarının üzvüdür. O, çoxlu sayda mötəbər cəmiyyətlərin və fondların mükafatlarına layiq görülmüş, medallarla təltif edilmişdir. Onlarla xarici dövlət və ictimai təşkilatların fəxri doktorudur. Lütfi Zadə dünyada əsərlərinə ən çox istinad edilən alimlərdən sayılır. Təkcə 1990-2000-ci illərdə onun əsərlərinə 36000-dən çox istinad edilmişdir. Kaliforniyanın Berkli şəhərində "İnformasiya Texnologiyaları üzrə Zadə İnstitutu" yaradılmışdır.Bu dahi şəxsiyyəti şagirdlərimizə daha yaxından tanıtdırmaq məqsədi ilə məktəbimizdə tədbir keçirildi. Alimin prototipi yaradıldı, həyat və yaradıcılığından səhnəciklər göstərildi.Tədbirdə məktəbimizin müəllim, şagird kollektivi və qonaqlar iştirak etdilər.
