Zəngilan rayonunun işğal gününü şagirlərimiz yad ediblər
XX əsrin sonu Azərbaycan xalqının tarixinə faciələrlə dolu bir dövr kimi yazıldı. Ölkədə mövcud ictimai-siyasi vəziyyət, daxili çəkişmələr, bir-birinə xəyanət edən silahlı birləşmələrin bəd əməlləri torpaqlarımızın itirilməsi ilə nəticələndi. Zəngilan da digər rayonlarımız kimi xəyanətin qurbanı oldu.
1993-cü il oktyabrın 29-da Zəngilan rayonu erməni qəsbkarları tərəfindən işğal olunub. Artıq 25 ildir ki, Zəngilan sakinləri gözüyaşlı öz torpaqlarına qayıtmaq arzusu ilə yaşayırlar. Məktəbin 9C sinif şagirdləri də Zəngilan rayonunun işğal gününü və şəhidlərimizi yad ediblər. Onlar Zəngilan rayonu haqqında ümumi məlumat verib, şəhidlərimizin ruhuna dualar ediblər.
