"Siqaretə yox deyək"
Müasir dövrümüzdə bəşəriyyətin qarşısında duran ən ciddi problemlərdən biri də tütündür. Tütünün insan orqanizminə ziyanları haqqında nə qədər təbliğat aparılsa da təəssüflər olsun ki, ondan istifadə edənlərin sayı getdikcə artmaqdadır. Hələ 1970-ci ildə Ümumdünya Səhiyyə Assambleyası ağciyər və ürək-damar xəstəliklərinə səbəb olan siqaret çəkmənin ciddiliyini dərk edərək dünyanın bütün səhiyyə orqanlarına müraciət etmiş, problemlərə qarşı lazımi tədbirlər görülməsinin vacibliyini bildirmişdi.
Həmin dövrdən başlayaraq siqaretə qarşı təbliğat kampaniyaları bu gün də davam etməkdədir. Məktəbdə də bu kompaniya həyata keçirilib. Şagirdlərə siqaret və digər zərərli vərdişlərin zərərləri haqqında ətraflı məlumat verilib.
