Anım və Zəfər günlərinə həsr olunan mühazirə
Oktyabrın 25-də məktəbdə Gənclərin Çağırışaqədərki Hazırlıq rəhbəri tərəfindən "27 sentyabr Anım Günü və 8 noyabr-Zəfər Günü" ilə bağlı mühazirə keçirilib. Hər şeyin o gün, tarixi qərarın verilməsi ilə başlandığı qeyd olunub. Qoşunlarımızın cəbhəboyu əks-hücum əməliyyatına başlaması barədə verilmiş qərarın qələbəmizi şərtləndirən amillərdən biri olduğu vurğulanıb. Müzəffər Ali Baş Komandan İlham Əliyevin dünya güclərinə səsləndirdiyi cəsarətli çıxışlarından söhbət açılıb. Prezident İlham Əliyevə gələcəkdə çiçəklənən ölkəmizi birlikdə qoruyacağımızla bağlı çıxışlarından sitatlar gətirilib. Məruzə İlham Əliyevin: "Qarabağ Azərbaycandır!" şüarı ilə başa çatıb.
