"Hərbi Qənimətlər Park"ına ekskursiya
Məktəbin coğrafiya müəllimi Anay Məmmədova yay məktəbində olan 5”C”, 6“B”sinif şagirdləri ilə "Hərbi Qənimətlər Park"ında ekskursiyada olublar. Şagirdlər parkın ümumi ərazisini gəzib sərgilənən qənimətlərlə yaxından tanış olublar. Anay müəllimə 44 gün davam edən Vətən müharibəsi zamanı müzəffər Azərbaycan ordusunun işğalçı Ermənistanı döyüş meydanında necə məğlub etməsi haqqında şagirdlərə ətraflı məlumat verib və bildirib ki, “Hərbi Qənimətlər Parkı” Azərbaycan Respublikasının ərazi bütövlüyünün bərpası uğrunda 27 sentyabr-10 noyabr 2020-ci il tarixlərində 44 gün davam edən Vətən müharibəsi zamanı müzəffər Azərbaycan ordusunun işğalçı Ermənistanı döyüş meydanında məğlub etməsi nəticəsində düşməndən ələ keçirdiyi hərbi qənimətlərin bir qisminin və Ermənistan ordusu tərəfindən qurulmuş müdafiə sədlərinin nümayiş olunması məqsədini daşıyır.
