Şagirdlər arasında maarifləndirmə söhbətləri keçirilib
“Azərbaycan Respublikasında qeyri-infeksion xəstəliklərlə mübarizəyə dair 2015-2021-ci illər üçün Strategiya”nın icrası üzrə şagirdlər arasında sağlam həyat tərzinin təşviqi ilə bağlı maarifləndirmə söhbətləri keçirilib. Məktəbin tibb bacısı Gülər Şahverdiyeva sağlam həyat tərzi, şagirdlərin sağlam təməllər üzərində böyüməsi, müxtəlif xəstəliklərdən uzaq olması üçün onlara bir daha sanitar-gigiyenik tələblərə əməl etmək qaydalarını izah edib. O, hal-hazırda həyatımızda olan Koronavirus (COVID-19) infeksiyasına yoluxmamaq üçün əsas şərtin tibbi maskadan istifadə, sosial məsafənin gözlənilməsi və əllərin tez-tez yuyulması olduğunu bildirib.
