Məktəbimizdə “Son zəng” tədbiri
Respublikamzın bütün ümumtəhsil məktəblərində olduğu kimi 14.06.2018-ci il tarixdə məktəbdə “Son zəng” tədbiri keçirildi. Bu il 11-ci sinfi 52 şagird bitirib məzun adını qazanır. Tədbirdə aparıcılar məktəbin Azərbaycan dili və ədəbiyyat müəllimi Aynur Heybətova və tarix müəllimi Gülçin Hüseynova idi. Azərbaycanın Dövlət Himni oxunandan sonra məktəbimizin direktoru F. İ. Həmidova məzunları yeni həyata qədəm qoymaları münasibəti ilə təbrik edərək gələcək həyatlarında uğurlar arzuladı. Məktəbdə təhsil adığı müddətdə müxtəlif yarışlarda, müsabiqələrdə fərqlənən şagirdləri və gənc-nəslin təlim-tərbiyəsində müvafiq işlər görən, şagirdləri yüksək nəticələr əldə edən müəllimləri fəxri fərmanlarla təltif etdi. Şagirdlərin ifasında səslənən şeirlər, mahnılar və rəqs nömrələri tədbiri daha da maraqlı etdi. Tədbirin sonunda 11-ci sinif şagirdlərini məktəb illərindən ayıran və məzun adını qazandıran son zəng çalındı.
