Üçrəngli bayraqla daim irəli
Məktəbin idman müəllimləri Əhmədov Kənan, Tanrverdiyev Rəşad və Abdullayeva Ləmanın təşkilatçılığı ilə 5, 6, 7-ci siniflər arasında 8 noyabr Zəfər Gününə həsr olunmuş "Üçrəngli bayraqla daim irəli" adlı müxtəlif mütəhərrik oyunlar çərçivəsində yarış təşkil edildi. Mütəhərrik oyunlar hər xalqın milli mədəniyyətinin tərkib hissəsidir. Çünki bu oyunlar həmin xalqa məxsus hərəkət fəaliyyəti aşılayır, onların fiziki-psixoloji cəhətdən düzgün inkişaf etməsində, şəxsi keyfiyyətlərinin tərbiyə olunmasında böyük rol oynayır. Bu baxımdan milli oyunlar yalnız orqanizmin inkişafını təmin edən amil deyil, həm də fiziki tərbiyə və idmanın əsas vasitələrindəndir.
