“Zəfər tarixi” III Esse Olimpiadası
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə Bakı İnsan Hüquqları Məktəbi İctimai Birliyi tərəfindən “Məktəblilər arasında “Zəfər tarixi” III Esse Olimpiadası” keçirilmişdir. . Esse Olimpiadası Vətənə və Vətən tarixinə sevgi ilə yanaşı, uşaqlarda yazı və fikirlərini yazılı şəklində ifadə etmək səriştələrini inkişaf etdirir. Esse Olimpiadası istedadları üzə çıxarır, mütaliəni, yazıçılığı, məktəbli yazarların faydalı inkişafını təmin edir.Olimpiadaya 1231 esse təqdim olunmuşdur. Finalçıların sayı 20 nəfər nəzərdə tutulsa da, ötən illərdə olduğu kimi, Şəhid və Qazi ailələrinin istedadlı övladlarına əlavə olaraq 12 yer ayrılmışdır. Finalçılar arasında Şəhid və Qazi ailələrinin istedadlı övladları nominasiyasi üzrə Bakı şəhəri Nəsimi rayonu İ.Əbilhəsənov adına 42 nömrəli tam orta məktəbin 7c sinif şagirdi Mirzəzadə Rauf I yerə layiq görülmüşdür.
