Məhəllələrarası minifutbol turniri
Ümummilli Lider Heydər Əliyevin anadan olmasının ildönümü ərəfəsində Bakı Şəhər İcra Hakimiyyəti, Regional İnkişaf İctimai Birliyi və Bakı Şəhər Gənclər və İdman İdarəsinin birgə təşkilatçılığı ilə paytaxtın bütün rayonlarını əhatə edən məhəllələrarası minifutbol turnirinə start verilib. Turnirlər Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyevanın təşəbbüsü ilə paytaxtın qəsəbə və yaşayış məntəqələrində həyata keçirilən “Bizim həyət” layihəsi çərçivəsində yaradılan abad məhəllələrdəki minifutbol stadionlarında təşkil olunur.
Məktəbin idman müəllimləri Əhmədov Kənan və Tanrverdiyev Rəşad şagirdlərdən ibarət futbol komandası da bu layihədə iştirak edərək Nəsimi rayonu üzrə birinci yerə çıxdılar və Bakı şəhəri birinciliyinə vəsiqə qazandılar.