"Səninlə bir əsr" adlı tədbir keçirildi
Xalqımızın ümummilli lideri Heydər Əliyevin anım günü ilə əlaqədar olaraq "Səninlə bir əsr" adlı tədbir keçirildi. Məktəbimizin Azərbaycan dili müəllimi Sevil Nağıyevanın rəhbərliyi ilə 8 "A" və 10 "C" sinif şagirdlərinin iştirakı ilə keçirilən anım tədbiri dövlət himninin səslənməsi ilə başladı. Sonra Ulu Öndərin əziz xatirəsi bir dəqiqlik sükutla yad edildi. Daha sonra şagirdlərin Ulu Öndərə həsr olunmuş çıxışları, şeir nümunələri, kompozisiyaları dinlənildi, Heydər Əliyevdən bəhs edən videoçarx nümayiş etdirildi. Sonda məktəbin direktoru Tahirə Şükürova çıxış edərək Heydər Əliyevin geniş və hərtərəfli siyasi fəaliyyətindən, nümunəvi həyatından, bir lider kimi müsbət keyfiyyətlərindən, dövlət üçün etdiyi xidmətlərdən danışıb. Ümummilli lider Heydər Əliyevin əvəzolunmaz şəxsiyyət, fədakar dövlət xadimi, yorulmaz siyasətçi kimi yaddaşlarda əbədi qalacağını vurğulayıb, şagirdlərə və təşkilatçılara təşəkkürünü bildirib.
