39 №-Lİ TAM ORTA MƏKTƏB

   Məktəbimizdə “Novruz gəlir, yaz gəlir” adlı silsilə Novruz bayramı şənlikləri keçirilib. Azərbaycan xalqının milli-mənəvi, maddi və mədəni dəyərlərini gənc nəslə daha yaxından tanıtmaq və təbliğ etmək məqsədilə keçirilən tədbirlərdə məktəbimizin direktoru Tahirə Şükürova, direktor müavinləri, müəllimlər və şagirdlər iştirak ediblər.

   Şənlikdə Novruz bayramının özünəməxsus xüsusiyyətlərindən söz açılıb, bu bayramın xalqımızın ən böyük milli bayramı olduğu vurğulanıb. Çıxış edənlər təbiətin oyanışının rəmzi olan bu bayramın özü ilə bərabər ruzi-bərəkət, yüksək əhval-ruhiyyə, həyata qaynarlılıq gətirdiyini qeyd ediblər. Bahar qızı, Keçəl və Kosanın gəlişi ilə başlayan bayram şənliklərində milli geyimli şagirdlərin ifasında rəqslərlə bərabər müxtəlif səhnəciklər və oyunlar da nümayiş olunub.

Məktəbimizin Azərbaycan dili müəllimi Təranə Rüstəmova Novruz bayramı ərəfəsində şagirdlərin dünyagörüşünün və mütaliyə həvəsinin artıqmaq məqsədilə, tarixi və mədəniyyət abidələrimizin şagirdlər arasında maarifləndirmə işinin təşkili sahəsində “İçərişəhər”, “Qala tarixi memarlıq qoruğu”na və “Miniatür Kitab Muzeyi”nə 7 “C” sinif şagirdlərinin gəzintisini təşkil etdi. “Miniatür kitab Muzeyi”inə gəzinti şagirdlərin mənəvi aləminə müsbət təsir göstərdi. Muzeyin bələdçisi muzeyin 2 aprel 2002-ci ildə fəaliyyətə başlaması, 20 ildən artıq müddətdə toplanmış nadir kolleksiyası əsasında yaradılması haqqında məlumat verdi. Şagirdlər muzeyin ekspozisiyasının 27 vitrində yerləşdirilməsini və bu vitrinlərdə 73 ölkədə nəşr edilmiş 3750 miniatür kitab düzüldüyünü, muzeyin kitab fondunda isə 5300-dən çox miniatür nəşr olduğunu öyrəndilər. “Gəzinti zamanı çəkilən şəkillər şagirdlərin yaddaşında xoş günlərdən bir xatirə olaraq qalacaq.

   Təhsilalanları milli-mənəvi dəyərlərə məhəbbət ruhunda tərbiyə etmək, şagirdlərdə yaradıcı düşüncə meyillərini gücləndirmək və dəyərlərimizi qorumaq məqsədilə Bakı Şəhəri üzrə Təhsil İdarəsinin 13.03.2023-cü il tarixli 3-29-59 /3-2-95F /2023 nömrəli əmri ilə təsdiq edilmiş "Dəyərlərimizi qoruyaq!" layihəsinin icrası ilə bağlı Tədbirlər Planına uyğun olaraq məktəbin Azərbaycan dili müəllimi Dilarə Cəfərova 9 "B" sinfində xalqımızın adət-ənənələrinin, Novruz adətlərinin yer aldığı "Dəli Kür" kinofilmini nümayiş etdirdi.

   Fəaliyyət planına uyğun olaraq “Dəyərlərimizi qoruyaq” lahiyəsi çərçivəsində tədbirlər həyata keçirilir. Məqsəd şagirdləri xalqımızın milli-mənəvi dəyərləri, milli əxlaq prinsipi əsasında tərbiyə etməkdir. Bu gün 7 "A" sinif müəllimi Təranə Məmmədovanın təşkilatçılığı ilə “Novruz adətlərinin bədii ədəbiyyatda təsviri” mövzusunda dərs keçdi. Şagirdlər məktəb xalqımızın adət-ənənələrinin əks olunduğu kitab və bədii məqalələrlə tanış olub, milli-mənəvi dəyərlərimizin təcəssümü olan Novruz bayramı, adət-ənənələri haqqında məlumat aldılar.

Bakı Şəhəri üzrə Təhsil İdarəsinin 13.03.2023 tarixli F 123 əmri ilə"Dəyərlərimizi qoruyaq!" adlı layihəsinin keçirilməsi barədə Tədbirlər Planı təsdiq olunmuşdur. Layihənin məqsədi təhsilalanları milli-mənəvi dəyərlərə məhəbbət ruhunda tərbiyə etmək, şagirdlərdə yaradıcı düşüncə meyllərini gücləndirmək və dəyərlərimizi qorumaqdır.

"Dəyərlərimizi qoruyaq!" adlı layihənin keçirilməsi barədə Tədbirlər planının 2.1 "Açıq dərs"lər,sinif təşkilat saatları, "Dəyirmi masa" və disskusiyaların keçirilməsi" bəndinə uyğun olaraq azərbaycan dili müəllimi Gülarə Zeynalova 9 "C" sinfində açıq dərs keçdi.