“Təbiət aylığı”
May ayı məktəbimizdə “Təbiət aylığı” kimi qeyd olunur. Bu münasibətlə müəllimlərimiz müxtəlif fənlər üzrə şagirdlərə təbiətlə bağlı maarifləndirici və praktik biliklər təqdim edirlər.
Biologiya müəllimi İlhamə İsmayılzadə tərəfindən “Sağlam həyat tərzi” mövzusunda təqdim edilən dərsdə şagirdlərə düzgün qidalanma, fiziki aktivlik və gigiyena qaydaları haqqında ətraflı məlumat verilib. Dərs şagirdlərdə sağlam həyat tərzinə maraq oyatmaq və bu sahədə düzgün vərdişlərin formalaşdırılmasına xidmət edib. Fizika müəllimi Şəfəq Şirəliyeva isə “Elektrik dövrəsi və dövrə elementləri” mövzusunda maraqlı dərs təqdim edib. Şagirdlər elektrik dövrəsinin əsas elementləri, onların funksiyaları və bir-birilə əlaqəsi haqqında əyani vasitələrlə tanış olublar. Bu cür dərslər şagirdlərin elmi biliklərini artırmaqla yanaşı, təbiətə və texnologiyaya maraqlarını da gücləndirir.
