Bu gün məktəbimizin adını daşıdığı 1 ci Qarabağ müharibəsi şəhidi Novruzov qardaşlarından biri – Natiq Novruzovun doğum günüdür. Bu münasibətlə məktəbimizin direktoru Gülnarə Cəfərova, müəllim heyəti və şagirdlər Şəhidimizin əziz xatirəsini yad edərək, onun məzarını ziyarət ediblər. Anım tədbirində Şəhidin anası – Lətifə ana da iştirak edib. Ziyarət zamanı iştirakçılar qəhrəman övladımızın xatirəsini ehtiramla anıb, onun vətən uğrunda göstərdiyi fədakarlığın gələcək nəsillər üçün əbədi nümunə olduğunu bildiriblər. Məktəb rəhbərliyi və kollektivi Lətifə anaya bir daha başsağlığı verərək, xalqımızın şəhid ailələrinə olan sonsuz hörmət və dəstəyini bir daha nümayiş etdiriblər. Allah bütün şəhidlərimizə rəhmət eləsin! Onların qəhrəmanlığı unudulmayacaq.
