Bu gün məktəbimizdə ibtidai sinif şagirdlərinin iştirakı ilə Ulu Öndər Heydər Əliyevin 102 illiyinə həsr olunmuş tədbir keçirildi. Tədbir təcrübəçi müəllimlərin təşkilatçılığı ilə baş tutdu. Şagirdlər Heydər Əliyevin həyat və fəaliyyətinə həsr olunmuş şeirlər söylədilər, maraqlı səhnəciklər nümayiş etdirdilər və onun irsinin gələcək nəsillər üçün nə qədər dəyərli olduğunu öz çıxışlarında vurğuladılar. Tədbir uşaqların bilik və bacarıqlarını nümayiş etdirməsi baxımından da xüsusi əhəmiyyət daşıyırdı. Sonda tədbir iştirakçıları Ulu Öndərə dərin ehtiramlarını ifadə edərək xatirəsini ehtiramla andılar.
