Dünyamızı təmiz saxlayaq
18 dekabr 2024-cü il tarixində H. Əliyev fondu və Regional İnkişaf İctimai Birliyinin (RİİB) əməkdaşları məktəbimizin qonağı oldular. Görüş zamanı şagirdlərlə qlobal istiləşmə və ekoloji terror mövzularında maarifləndirici söhbətlər aparıldı. Tədbirdə bu aktual mövzuların qlobal təsirləri, ekoloji tarazlığın qorunmasının vacibliyi və ətraf mühitə qayğı ilə bağlı mühüm məlumatlar təqdim edildi.
Şagirdlər suallar verərək mövzu ilə bağlı biliklərini artırdılar və müzakirələrdə fəal iştirak etdilər. Məktəbimizin ekaloji səfir seçilmiş şagirdləri Məmmədova Fidan və Səfərova Fidan da öz maraqlı fikirlərini tədbirin təşkilatçılarına ünvanladılar. Daha sonra qonaqlar məktəbimizdə yaradılmış oranjeriyanı gəzərək öz xoş fikirlərini bölüşüblər.
