Ümummilli lider Heydər Əliyevin anım günü
Bu gün məktəbimizdə Azərbaycanın ümummilli lideri, dahi şəxsiyyət Heydər Əliyevin anım günü münasibibətilə tədbir keçirilib. Tədbir Heydər Əliyevin əziz xatirəsini ehtiramla yad etmək, onun xalqımızın inkişafı və gələcəyi üçün göstərdiyi misilsiz xidmətləri bir daha vurğulamaq məqsədini daşıyıb. Tədbir dövlət himninin səsləndirilməsi ilə başlayıb. Şagirdlərimiz Heydər Əliyevin zəngin həyat və fəaliyyətini əks etdirən çıxışlarla iştirak ediblər. Heydər Əliyevin Azərbaycan üçün gördüyü işlərə həsr olunmuş mahnılar səsləndirib, onun həyatına və ideyalarına ithaf olunmuş şeirlər söyləyiblər. Tədbir zamanı Heydər Əliyevin siyasi lider kimi ölkəmizin beynəlxalq arenada möhkəmlənməsinə və milli dəyərlərimizin qorunmasına verdiyi töhfələr geniş şəkildə işıqlandırıldı. Şagirdlərin təqdim etdiyi ədəbi-bədii kompozisiyalar tədbirə xüsusi rəng qatıb. Məktəbin direktoru Gülnarə xanım Cəfərova ümummilli liderin Azərbaycanın müasir inkişafındakı əvəzolunmaz rolunu çıxışında bir daha vurğulanıb. Bu cür tədbirlər gənc nəsildə Heydər Əliyevin irsinə hörmət və sevgi hissi aşılamaq, milli vətənpərvərlik dəyərlərini möhkəmləndirmək baxımından böyük əhəmiyyət daşıyır.
