Şagirdlərimizin Qazaxıstanda keçirilən cüdo yarışında qazandıqları uğur
Şagirdimiz Əlizadə Rəsul və Mirzəzadə Leyla Qazaxıstanın Aktau şəhərində keçirilən cüdo üzrə beynəlxalq yarışda böyük uğur qazanıblar. Onlar möhtəşəm çıxışları ilə rəqiblərini məğlub edərək medal və diplomla təltif olunublar.
Əlizadə Rəsul və Mirzəzadə Leylanın bu uğuru, onların əzmkarlığının və müəllimlərinin səylərinin nəticəsidir. Onlar Azərbaycan bayrağını uca tutaraq ölkəmizi layiqincə təmsil ediblər. Yarış zamanı göstərdikləri mübarizə ruhu və idman ustalığı təkcə iştirak etdikləri komandanın deyil, həm də bütün azərbaycanlıların qürur mənbəyi olub.
Qeyd edək ki, bu uğur gənc idmançılarımızın gələcəkdə daha böyük nailiyyətlər əldə edəcəklərinə işarədir. Əlizadə Rəsul və Mirzəzadə Leylanı təbrik edir, onlara gələcək yarışlarında daha böyük zirvələr arzulayırıq.
