Körpə fidanların məktəbə ilk gəlişi
Bu gün məktəbimizdə 5 yaşlı uşaqlarımız üçün xüsusi qarşılama tədbiri keçirildi. Məktəbimizin həyətində təşkil olunan bu tədbir balacaların məktəbə ilk addımlarını daha da yaddaqalan etdi. " Yaşıl dünya naminə həmrəylik ili" çərçivəsində şagirdlərimizin asfalt üzərində çəkdikləri rəsmlər, rəngarəng dekorasiyalar, şən musiqi və xoş qarşılanma uşaqların üzündə təbəssüm yaratdı, valideynlərə isə bu unudulmaz anları yaşamaq imkanı verdi. Tədbir zamanı məktəb rəhbərliyi tərəfindən hər bir uşağa kiçik hədiyyələr təqdim edildi. Bu hədiyyələr onların məktəb həyatına daha böyük sevgi və maraqla başlamaları üçün hazırlanmışdı. Balacalarımız bu diqqəti böyük sevinc və maraqla qarşılayaraq, yeni dərs ilinə yüksək əhval-ruhiyyə ilə qədəm qoydular.
Məktəbimizin bu xüsusi tədbiri uşaqlar üçün həm sevinc dolu, həm də motivasiyaedici bir başlanğıc oldu. Onlara uğurlu və dolu biliklərlə zəngin bir təhsil ili arzulayırıq!
