27 Sentyabr şəhidlərimizin anım günü
27 Sentyabr doğma torpaqlarımızı işğaldan azad etmək, ölkəmizin sərhədlərini təxribatdan qurtarmaq, iradəmizin güclü təməli, milli ruhumuzun, həmrəyliyimizin öz sözünü kəskinliklə dediyi şərəfli bir tarixdir.
27 sentiyabr uzaq keçmişdən başlayan ədalətsiz tarixi prosesin dəyişdiyi gün olmaqla yanaşı, igid oğullarımızın alnımızdan qara ləkəni qanla yuduqları gündür.
Bu gün respublikamızın bütün şəhər və rayonlarında, o cümlədən şəhid qanı ilə azad edilmiş vətən torpaqlarında anım mərasimi keçirilib. Anım Günü münasibətilə, məktəbimizin müəllim və şagird kollektivi olaraq, saat 12:00-da şəhidlərimizin əziz xatirəsini bir dəqiqəlik sükutla yad etdik. Bu anlarda hər birimiz mənəvi borcumuzu yerinə yetirərək, Vətən uğrunda canlarını fəda edən igidlərimizin ruhu qarşısında dərin ehtiramımızı ifadə etdik. Şəhidlərimizin qəhrəmanlığı və fədəkarlığı həmişə qəlbimizdə yaşayacaq və onların şanlı irsi gələcək nəsillərə nümunə olacaqdır.
