Qonaqlarımızın qarşılanması
May ayının 23-dən etibarən məktəbimizin dostluq etdiyi Qazaxıstan Respublikasının Nazarbayev adına İntellektual məktəbinin bir qrup nümayəndə heyəti qonağımız olub. Gecə saatlarında hava limanında qarşılaşdığımız qonaqlarımız səfərlərinin ilk günündə məktəbimizin müəllimləri ilə birlikdə Ulu Öndər Heydər Əliyevin məzarını ziyarət ediblər. Şəhərimizdə yeni salınmış „Cəmbərəkənd “ parkındakı gəzinti isə qonaqlarımızı valeh edib. Daha sonra onlar kollektivimizlə birlikdə Azərbaycan Dövlət Dram Teatrında Çingiz Aytmatovun „Manqurt“ əsərinə tamaşa ediblər.
