Vətən uğrunda şəhid olanlar unudulmayacaq
Şanlı və tarixi qələbəmizin təməlinin qoyulduğu 27 sentyabr "Anım günü" münasibətilə 6a sinif rəhbəri Aytən Bağıyevanın təşkilatçılığı ilə həmin sinfin şagirdləri Fəxri xiyabanı ziyarət edərək şəhidlərimizin əziz xatirəsini yad ediblər. Torpaq uğrunda mübarizədə canını fəda edərək şəhidlik məqamına ucalan şəhidlərimizin qəbrini ziyarət edən şagirdlər çox duyğulu anlar yaşayıb. Onlar çıxışlarında Vətənin müdafiəsi, üçrəngli bayrağımız, torpaqlarımızın bütövlüyü, azadlıq və istiqlaliyyət uğrunda canını qurban verən qəhrəmanları heç bir zaman unutmayacaqlarına, həmişə hörmət və qürurla anacaqlarına söz veriblər.
