Bilik gününüz mübarək
Bu gün yeni tədris ilinin başlanması münasibətilə məktəbimizdə bilik günü təntənəli şəkildə qeyd edilib. Tədbirdə BŞTİ-nin nümayəndəsi, şəhid ailələri, müəllimlər, valideynlər, şagirdlər iştirak ediblər. Azərbaycan Respublikasının Dövlət Himninin səsləndirilməsi ilə başlayan tədbirdə Vətən uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib.
Məktəbə müqəddəs bir məkan kimi baxmaq və onu qoruyaraq gələcək nəsillərə çatdırmaq hamımızın borcudur. Məktəb, həmişə millətin müdriklik ocağı olaraq qalır. Məktəbdə tək yazıb-oxumağı, hesablamağı və müxtəlif elmlərin sirlərini öyrətmirlər. Məktəbdə, həmçinin yaşamağı öyrədirlər. Bütün şagirdlərə gələcəkdə düzgün yaşamağı və uğurlar əldə etməyi arzulayırıq.
