Gün var bir ömrə dəyər.
Ömrün dəyəri toplanan xatirələrin mənası ilə, insanın xarakterinin formalaşması həyatından keçən insanların ötürdükləri enerji ilə təyin olunurmuş. Mən çox şadam ki, Ulu Öndər Heydər Əliyevin 100 illiyinə həsr edilmiş Ortaq Türk Dünyası Olimpadası həyatımı bu cür dəyərlərlə zənginləşdirdi. Türk dünyası xalqlarının taleyinə yeni bir baxış, yeni biliklər, dostlar qazandım. Nəhayət, başı üstündəki qara buludları qızıl qanı ilə günəş rənginə çevirən igid oğullarımızın son nəfəsinə şahidlik etmiş gözəl Şuşamıza ekskursiya... Yüzlərlə azərbaycanlının arzusu. Fəxr edirəm ki, bu olimpiadada və ekskursiyada iştirak etmək hüququ qazanmış cəmi 6 Bakı məktəblisindən biriyəm.
