Məktəbin Əməkdar müəllimi Solmaz Hüseynovaya Təşəkkür məktubu təqdim edilib
Məktəbin Əməkdar rus dili müəllimi Solmaz Hüseynova haqqında qanunxəbər.com mətbu orqanında işıqlandırılmış məqalə pedaqoji kollektiv və şagird kontingentinin böyük sevincinə səbəb oldu. Dəyərli pedaqoq Solmaz müəllim yenilikçi və yaradıcı fəaliyyəti ilə daima seçilmiş, ildən-ilə saysız-hesabsız uğurlara imza atmışdır. 5 və 6-cı siniflər üçün rus dili dərsliyinin müəlliflərindən biri olan Solmaz müəllim təkcə pedaqoji fəaliyyəti ilə deyil, eyni zamanda yüksək mənəvi dəyərlərin daşıyıcısı olan bir təhsil işçisi olması ilə də hər kəsin sevimlisinə çevrilməyi bacarmışdır. Qeyd edek ki, Bakıda yerləşən Rusiya Məlumat və Mədəniyyət Mərkəzində həyata keçirilən layihələrdə fəal iştirak etdiyinə görə Solmaz Hüseynovaya Rusiya Əməkdaşlıq Nümayəndəliyi tərəfindən minnətdarliq mektubu teqdim edilmişdir. Ona uzun ömür, gələcək işlərində uğurlar arzu edirik.
