IX–XI siniflərdə II yarımil üzrə Böyük Summativ Qiymətləndirmə keçirilir
2024/2025-ci tədris ilinin II yarımilinə uyğun olaraq məktəbdə IX, X və XI sinif şagirdləri arasında Böyük Summativ Qiymətləndirmə keçirilir. Bu qiymətləndirmənin əsas məqsədi şagirdlərin fənn üzrə tədris ilinin II yarımili ərzində əldə etdikləri bilik və bacarıqları sistemli şəkildə yoxlamaqdır.
Böyük summativ qiymətləndirmə məktəbdaxili qiymətləndirmə komissiyalarının nəzarəti ilə şəffaf və sistemli şəkildə təşkil olunur. Şagirdlər üçün rahat və ədalətli mühitin yaradılması əsas prioritetlərdəndir.
Qiymətləndirmə nəticələri həm şagirdlərin ümumi təhsil göstəricilərinə təsir edir, həm də müəllimlərə tədris prosesini təhlil edərək gələcək fəaliyyətlərini planlamaqda dəstək olur. Qiymətləndirmə nəticələri əsasında fərdi yanaşmaların tətbiqi və inkişafyönümlü tədbirlərin görülməsi nəzərdə tutulur.
