3 №-li tam orta məktəb

8-ci sinif şagirdi Mirzağa Mirzağayev tələbələrə qalib olubHələ 7-ci sinifdə oxuyarkən "Fibonacci" intellektual yarışına qoşulub öz yaşıdları ilə deyil, 10-11-ci sinif şagirdləri ilə rəqabət aparanda hər kəs onun verdiyi doğru, dəqiq cavablara heyran qalmışdı. Nəinki sinfimizin, nəinki məktəbimizin, eyni zamanda eTwinning layihəsində bizimlə birgə çalışan digər ölkə müəllimlərinin də sevgisini qazanan Mirzağa Mirzağayev bu gün də duelə çıxdı. Bu dəfə isə məktəblilərlə deyil, universitet tələbələri ilə yarışdı və ağlı, zəkası, cəldliyi ilə birinci yeri qazandı. Ümumi bilik yarışında qazandığı uğur münasibətilə onu və yolunda daim mayak olan müəllimlərini təbrik edirəm. Afərin 8 e!

Şahmat turnirinin qalibi olduqAzərbaycan Respublikası Gənclər və İdman Nazirliyinin Binəqədi rayonu Gənclər və İdman idarəsi tərəfindən keçirilən "2 Fevral - Gənclər günü" münasibətilə keçirilən Şahmat turnirində məktəbimizi şagirdimiz İsgəndərli Yafəs təmsil etmişdir. Şagirdimiz "Qalib ölkənin gəncləri" adlı şahmat turnirində III yerin qalibi olmuşdur.

Azərbaycan Fullkontakt Kyokuşin Karate Federasiyasının qalibiMəktəbimizin 5-ci sinif şagirdi Əliyev Arif  Azərbaycan Fullkontakt Kyokuşin Karate Federasiyasının 10-11 yaş, 35 kq çəki dərəcəsi olan uşaqlar arasında keçirdiyi idman yarışmasında 3-cü yeri qazanaraq Diploma layiq görülmüşdür.