3 №-Lİ TAM ORTA MƏKTƏB

Bu gün məktəbimizdə 9b sinfi üçün "Sağlam gələcək: Reproduktiv sağlamlıq maarifləndirilməsi" mövzusunda maarifləndirici tədbir keçirildi. Tədbirin məqsədi şagirdlərə reproduktiv sağlamlıq haqqında vacib biliklər vermək, sağlam həyat tərzinin önəmini vurğulamaq idi. Şagirdlər mövzu ilə bağlı fikir və suallarını bölüşdülər, interaktiv müzakirələrdə iştirak etdilər. Tədbir gənclərin sağlam həyat tərzi barədə məlumatlanmasına və bilinçli qərarlar vermələrinə kömək etmək üçün mühüm addım oldu.

    4 oktyabr 2024-cü il tarixində Rüstəm Əliyev adına 3 nömrəli tam orta məktəbdə Cəbrayıl şəhəri günü münasibətilə dəyirmi masa keçirildi. Tədbir vətənpərvərlik ruhunu gücləndirmək və Cəbrayılın azad olunmasının əhəmiyyətini vurğulamaq məqsədilə təşkil olundu.

    Dəyirmi masada məktəbin tarix müəllimi Kəmalə Həsənova vətən müharibəsi, Cəbrayıl rayonunun azad olunmasının tarixi və strateji əhəmiyyəti, eyni zamanda “vətən” məfhumu haqqında şagirdlərə ətraflı məlumat verdi. O, çıxışında Azərbaycanın ərazi bütövlüyü uğrunda aparılan mübarizənin dərin mənəvi və tarixi əhəmiyyətindən bəhs edərək, Cəbrayılın azad edilməsinin xalqımız üçün qürur mənbəyi olduğunu vurğuladı.

    Şagirdlər də bu mövzu ətrafında öz fikirlərini səsləndirərək müzakirələrə qoşuldular. Onlar vətənpərvərlik, tarixi yaddaşın qorunması və müstəqillik uğrunda mübarizə mövzusunda maraqlı çıxışlar edərək dəyirmi masada fəal iştirak etdilər. Tədbir, şagirdlərin tarixə, vətən müharibəsinə və Cəbrayılın azadlığına olan marağını daha da artıraraq onların vətənpərvərlik hisslərini gücləndirdi.

    Bu cür tədbirlərin keçirilməsi şagirdlərin milli mənəvi dəyərlərə bağlılığını artırmaqla yanaşı, gələcək nəsillərə tarixi hadisələrin əhəmiyyətini dərindən anlamağa kömək edir.

    5 oktyabr – Beynəlxalq Müəllimlər Günü münasibətilə R.Əliyev adına 3 nömrəli tam orta məktəbdə Zəhra Xatun Qadın İnkişaf Mərkəzinin təşkilatçılığı ilə möhtəşəm bir tədbir keçirilib. “Kamillik və dahiliyi özündə ehtiva edən müəllim ömrü” mövzusunda baş tutan bu tədbir müəllimlərə olan hörmət və minnətdarlığı əks etdirən əlamətdar bir an oldu.

    Tədbirdə Əməkdar müəllim Zülfiyyə Vəliyeva və Zəhra Xatun Qadın İnkişaf Mərkəzinin rəhbəri Leyla Həsənova çıxış edərək, müəllimlərin cəmiyyətdəki əhəmiyyətindən, onların gənc nəslin formalaşmasındakı böyük rolundan danışdılar. Çıxışlarda vurğulandı ki, müəllimlər yalnız bilik verən şəxslər deyil, həm də gənclərin həyatında dərin iz buraxan liderlər və örnək şəxsiyyətlərdir.

    Tədbir boyu iştirakçılar, o cümlədən R.Əliyev adına 3 nömrəli məktəbin direktoru, Əməkdar müəllim Almaz Həsrətə də xüsusi təşəkkürlər bildirildi. Onun rəhbərliyi altında məktəbin tədris uğurları, müəllim heyətinin fədakar fəaliyyəti və məktəbdə təhsilin yüksək səviyyədə təşkil olunması tədbir iştirakçıları tərəfindən yüksək qiymətləndirildi.

    Müəllimlər Günü tədbiri, həm müəllimlər, həm də digər iştirakçılar üçün yaddaqalan bir gün olmaqla yanaşı, müəllimlik peşəsinin cəmiyyətimiz üçün nə qədər dəyərli olduğunu bir daha nümayiş etdirdi.

    Müəllimlər Gününə özəl olaraq təşkil edilən mini futbol yarışı R.Əliyev adına 3 nömrəli tam orta məktəbin və 102 nömrəli tam orta məktəbin şagirdləri arasında baş tutdu. Yarışın keçirilməsində məqsəd yalnız şagirdlər arasında idman ruhunu gücləndirmək deyil, həm də bu əlamətdar gündə müəllimlərə hədiyyə olaraq, onların zəhmətinə və fədakarlığına bir minnətdarlıq simvolu təqdim etmək idi.

    Məktəblər arasında keçirilən bu yarış gərgin, lakin dostluq dolu atmosferdə keçdi. Hər iki məktəbin şagirdləri yüksək idman bacarığı və əzmkarlıq göstərdi. Sonda 3 nömrəli tam orta məktəbin şagirdləri 12-2 hesabı ilə inamlı bir qələbə qazandılar. Bu parlaq nəticə şagirdlərin zəhmətinin və komanda ruhunun göstəricisi idi. Komandamızın şagirdləri qələbəni R.Əliyev adına 3 nömrəli məktəbin müəllim kollektivinə hədiyyə edərək, onlara öz təşəkkürlərini və ehtiramlarını bildirdilər.

    Tədbirin sonunda qalib komanda böyük coşqu ilə təbrik edildi, yarış iştirakçılarına isə idmanın dostluq və birlik simvolu olduğu vurğulandı. Bu yarış şagirdlər arasında həmrəyliyi daha da möhkəmləndirdi və hər iki məktəb üçün unudulmaz bir xatirəyə çevrildi.

Oktyabrın 1-də dövlət ümumi təhsil müəssisələrindəki məktəbəhazırlıq qruplarında məşğələlərə start verilib.

2024-2025-ci tədris ilində Bakı Şəhəri üzrə Təhsil İdarəsinin tabeliyindəki 287 ümumi təhsil müəssisəsinin məktəbəhazırlıq qruplarına 23 438 uşaq qeydiyyatdan keçib.

Qeyd edək ki, dövlət ümumi təhsil məktəblərində yaradılan məktəbəhazırlıq qruplarında həftədə 4 gün olmaqla 12 məşğələ keçirilir. Məktəbəhazırlıq qruplarında dərs məşğələləri “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət”dən ibarətdir.

Onu da qeyd edək ki, məktəbhazırlıq qruplarının yaradılmasında məqsəd 5 yaşlı uşaqların hazırlığı ilə əlaqədar psixoloji dayanıqlığını artırmaq, təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.