298 №-Lİ TAM ORTA MƏKTƏB

“Gələcəyin mühəndisi” IV Respublika müsabiqəsinin qalibi olduqElm və Təhsil Nazirliyi Respublika Uşaq-Gənclər İnkişaf Mərkəzi Publik Hüquqi Şəxsin və Tusi-Bohm Planetariumun birgə əməkdaşlığı ilə keçirilən “Gələcəyin mühəndisi” IV Respublika müsabiqəsinin 2022-ci il 16 dekabr tarixində qalibləri elan edilib. Təşkilat Komitəsinə müsabiqənin təşkilatçıları və tərəfdaşları – Azərkosmos ASC, AMEA-nın N.Tusi adına Şamaxı Astrofizika Rəsədxanası, Milli Aviasiya Akademiyası, Bakı Dövlət Universiteti, İnteraktiv Elm Muzeyindən mütəxəssislər üzv seçilib. Müsabiqənin münsiflər heyətinin tərkibini Təşkilat Komitəsi müəyyən edib. “Gələcəyin mühəndisi” IV Respublika müsabiqəsinin keçirilməsində məqsəd iştirakçıların astronomik biliklərinin əhatəsini genişləndirmək, onların kosmik sənayeyə marağını artırmaq və bu sahədə gələcəyin bacarıqlı kadrlarını aşkarlamaqdır. “Gələcəyin mühəndisi” IV Respublika müsabiqəsində ümumtəhsil məktəblərinin V-XI sinif şagirdləri, məktəbdənkənar təhsil müəssisələrinin dərnək üzvləri, fərdi, kollektiv şəklində iştirak edib. Müsabiqə çərçivəsində Bakı şəhəri və regionlardan qoşulan iştirakçılar kosmik avadanlıqların təkmilləşməsinə yönəlmiş texniki tədqiqatlar, layihələr və kosmik cihazların maketlərini hazırlayıblar. Təşkilat Komitəsi tərəfindən təyin olunmuş münsiflər heyəti Elm və Təhsil Nazirliyi Respublika Uşaq-Gənclər İnkişaf Mərkəzi Publik Hüquqi Şəxsin direktoru Firuzə Sultan-zadə, Tusi-Bohm Planetariumun rəhbəri Famil Mustafa, Azərbaycan Milli Aviasiya Akademiyasının mütəxəssisi Yəhya Əhədov, İnteraktiv Elm Muzeyinin rəhbəri Elçin Abbasov, N.Tusi adına Şamaxı Astrofizika Rəsədxanasının əməkdaşı Aynur Abdulkərimova, Bakı Dövlət Universitetinin mütəxəssisi Mirnamik Bəşirov, Azərkosmos ASC-nin əməkdaşı Həsənağa Bağırov məktəblilərin hazırladıqları layihələri və maketləri qiymətləndiriblər. Qeyd edək ki, müsabiqədə 2 yaş qrupu üzrə (11-14, 15-17 yaş qrupları) müraciət edən 102 nəfərdən seçim turuna 52 nəfər iştirak hüququ qazanıb. Məktəbin 9a sinif şagirdi Hacıyeva Dəniz II yerə layiq görülüb.

6A sinif şagirdi Dadaşov Pərvizin Türkiyə Respublikasında qazandığı birincilik2022-2023-cü tədris ili çərçivəsində Türkiyə Respublikasının Trabzon şəhərində keçirilən "Okul sporları" güləş yarışında məktəbimizin 6A sinif şagirdi Dadaşov Pərviz yaşıdları arasında bütün rəqiblərinə qalib gələrək birinci yeri tutub.Məktəbimiz adından Pərvizi təbrik edir, gələcəkdə daha böyük uğurlar arzulayırıq.

6Ç sinif şagirdi Nəcəfzadə Rəsuldan birincilik6Ç sinif şagirdi Nəcəfzadə Rəsul Dünya Azərbaycanlılarının Həmrəylik gününə həsr olunmuş cüdo güləşi üzrə şəhərlərarası yarışmada birincilik qazanmışdır.