298 №-Lİ TAM ORTA MƏKTƏB

“Heydər Əliyev və Azərbaycan tarixi” mövzusunda elmi-praktiki konfransın rayon turu şagirdimiz seçilənlər içərisindədir8 Aprel 2022-ci il tarixində Binəqədi rayonu 276 nömrəli tam orta məktəbdə Bakı Şəhər İcra Hakimiyyətinin təşəbbüsü, Binəqədi Rayon İcra Hakimiyyətinin təşkilatçılığı ilə ulu öndər Heydər Əliyevin anadan olmasının 99-cu ildönümünə həsr olunmuş “Heydər Əliyev və Azərbaycan tarixi” mövzusunda elmi-praktiki konfransın rayon turu tədbiri keçirilmişdir. Binəqədi rayon ərazisindəki 32 tam orta ümumtəhsil məktəbi tərəfindən 5 mövzuda təqdim olunmuş 103 yazı işindən yekun mərhələyə 8 yazı işi seçilmişdir. Sevindirici haldır ki, məktəbin X sinif şagirdi Rauf Ramin oğlu Cəbrayılov (mövzu: Qarabağ xanlığı) da seçilənlər içərisindədir. O, İcra hakimiyyəti tərəfindən Fəxri Fərman və hədiyyə ilə mükafatlandırılıb. Növbəti mərhələdə şagirdimizə uğurlar arzulayırıq.

“Ruhumun ünvanı Şuşa!” adlı respublika rəsm müsabiqəsində şagirdimiz qalib olub“Ruhumun ünvanı Şuşa!” adlı respublika rəsm müsabiqəsinin təltifetmə mərasimi keçirilib! Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə Azərbaycan Respublikasının regionlarında və Bakı şəhərində fəaliyyət göstərən ümumtəhsil məktəblərinin şagirdləri və uşaq-gənclər inkişaf mərkəzlərinin dərnək üzvləri arasında “Ruhumun ünvanı Şuşa!” adlı respublika rəsm müsabiqəsinin 05 aprel 2022-ci il tarixində Təsviri Sənət Qaleriyasında təltifetmə mərasimi keçirilib. Tədbirin rəsmi hissəsində Təhsil Nazirliyi Məktəbdənkənar fəaliyyətin təşkili şöbəsinin sektor müdiri Qeyrət Şirəliyev, Bakı şəhər 1 Uşaq-Gənclər İnkişaf Mərkəzinin direktoru Kəmalə Abdullayeva, Gənclərin Respublika Bədii Yaradıcılıq Evinin direktoru Məhəmməd Novruzov iştirak edirdi. Rəsm müsabiqəsinə 2 mərhələdə 3 yaş qrupu üzrə 450 təhsil müəssisəsi olmaqla, 950-dən çox rəsm işləri təqdim edilib. Məktəbimizin 10a sinif şagirdi Qənbərli Şəms bu müsabiqədə birinci yer tutub. Təltifetmə mərasimində iştirak edən Şəmsə Diplom və hədiyyə təltif olunub. Şəmsi təbrik edir, uğurlar arzulayırıq.

Şagirdlərimiz qalib olublar28.03.2022-ci il tarixində Tədris mərkəzlərinin birində keçirilmiş Məntiq olimpiadasında şagirdlərimiz Murtuzov Mirelçin Ramil oğlu maksimum nəticə göstərərək 1-ci yerə, Cəfərli Mələk Cavad qızı isə 95 balla ikinci yerə çıxmışdır. Hər iki şagirdimizi təbrik edir, gələcək tədris illərində daha çox nailiyyətlər arzulayırıq.