298 №-li tam orta məktəb

     "20 Yanvar-Ümumxalq hüzn günü" ilə bağlı hazırlanmış tədbirlər planına əsasən silsilə tədbirlərimiz davam edir. Tədbirlər planına uyğun olaraq 11.01.2020-ci il tarixdə məktəbin 1"B" sinif şagirdləri sinif müəllimi Fərqanə Rəhimovanın rəhbərliyi ilə Şəhidlər Xiyabanını və Fəxri xiyabanda Azərbaycan xalqının ümummilli lideri Heydər Əliyevin məzarını ziyarət etmişdilər.
     Ekskursiyanın məqsədi məktəbin illik fəaliyyət planının 1.3.16-cı bəndinə uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği idi.

   Məlum olduğu kimi, hər il Heydər Əliyev irsinin gənclərimiz tərəfindən dərindən öyrənilməsi üçün müxtəlif mövzulu müsabiqələr təşkil olunur. Ulu öndərin 96-cı ildönümünə həsr olunmuş növbəti müsabiqə “Heydər Əliyev və Azərbaycan tarixi” mövzusuna idi. Məktəbin 10A sinif şagirdi Cəmilə Rzayevanın tarix müəllimi Nuriyyə Qurbanovanın rəhbərliyi ilə hazırladığı “ I Dünya müharibəsi və Azərbaycanlı generallar” mövzusundakı məruzə də böyük marağa səbəb olmuş və müsabiqə komissiyası tərəfindən yüksək qiymətləndirilmişdir. Müsabiqə qaliblərinin məruzələri Bakı Şəhər İcra Hakimiyyətinin sifarişi ilə “Elm və təhsil” nəşriyyatında kitab halında çap  olunmuşdur.Təbii ki, Cəmilə Rzayevanın məruzəsi də qalib iş kimi həmin kitab da yer almışdır.

   24.12.2019-cu ildə sözügedən kitabın Bakı Şəhər İcra Hakimiyyətində təqdimat mərasimi keçirilmişdir.Təqdimatda Bakı şəhər Təhsil İdarəsinin müdiri Rəşad Tağıyev də iştirak etmiş,şagirdlərə və onların elmi rəhbərlərinə təqdimatı keçirilmiş “Heydər Əliyev və Azərbaycan tarixi” kitabını təqdim etmişdir.

Bakı Şəhəri üzrə Təhsil İdarəsinin müdiri Rəşad Tağıyevin ARB24 TV-yə müsahibəsi

Çağdaş dünyanın təhsil trendləri islahat və yeniliklərin çevik tətbiqini tələb edir. Çünki müasir dövrün inkişaf meyilləri təhsilin yetişdirdiyi insanların bacarıqlarından başlayır.

Bu baxımdan ölkə ümumi təhsilinin flaqmanı olan Bakı təhsilində hansı fəaliyyət istiqamətləri müəyyən olunub, məktəbyaşlı uşaqları dünyanın rəqabət mühitinə hazırlamaq üçün əsas prioritetlər nədən ibarətdir? Eləcə də 2019-cu təqvim ilində təhsildə keyfiyyətin artırılması istiqamətində hansı işlər görülüb?

Bütün bunlar barədə Bakı Şəhəri üzrə Təhsil İdarəsinin müdiri Rəşad Tağıyev ARB24 TV-yə müsahibəsində qeyd edib.

Məktəbin fəaliyyət planına əsasən məktəbdaxili monitorinqlər davam edir. 17.12.2019-cu il tarixdə X və XI siniflərdə şagirdlərin Coğrafiya fənni üzrə bilik və monitorinq bacarıqlarının yoxlanılması aparıldı. Monitorinq nəticələrinə əsasən şagirdlərin dərs prosesinə yanaşması və dərslər müzakirəsi, müəllimlərə metodik dəstək planlaşdırılır.

Şagirdlərin yazı bacarıqlarının yoxlanılmasına ilk olaraq ibtidai siniflərdən başladıq. 17.12.2019-cu il tarixdə II,III,IV siniflərdə təhsil alanlar üçün imla saatı təşkil olundu. Sinifdə imla saatını aparmaq üçün ibtidai siniflərdə dərs deyən müəllimlərin rotasiyası aparıldı. Monitorinqin nəticələrinə əsasən  şagirdlərə yanaşma metodları müəyyənləşəcək.