Novruz şənliyi
Baharın gəlişinin carçısı olan Novruz bayramı “ Atəşgah məbədi “ Dövlət Tarix Memarlıq Qoruğunda Suraxanı Rayon İcra Hakimiyyətinin təşkilatçılığı ilə ümumrayon tədbiri keçirildi. Meydanın ortasında yerləşdirilən səməni, eləcə də novruzun personajları olan Bahar qızı, Keçəl, Kosa şənliyə gələn qonaqlara yüksək bayram əhval- ruhiyyəsi bəxş etdilər.Məclisə faytonla daxil olan el ağsaqqalı Dədə Qorqudun cəngavərlərlə birgə məbəddən götürdüyü odla bayram tonqalını alovlandırması və xalqımızı qədim el bayramı münasibətilə ürəkdən təbrik etməsi Novruz şənliyinin ən maraqlı məqamlarından biri oldu.
