Əsrimizin tacidarı – Məhəmməd Füzuli
Məhəmməd Füzuli anadilli poeziyanın mükəmməl nümunələrini yaratmış, Azərbaycan bədii dilini daha da zənginləşdirərək yeni zirvəyə yüksəltmişdir. Onun parlaq dühasının təcəssümü olan və bu gün də sevilə-sevilə oxunan əsərləri yarandığı ilk vaxtlardan hər tərəfə yayılmış və müəllifinə böyük şöhrət qazandırmışdır.
Gənc nəslin intellektual qabiliyyətinin inkişafı , şairin zəngin ədəbi- bədii irsinin öyrənilməsi məqsədilə ədəbiyyat müəllimi Samirə Cəfərova V “ B” sinif şagirdləri ilə məktəb kitabxanasında “Əsrimizin tacidarı – Məhəmməd Füzuli ” adlı dəyirmi masa keçirdi. Tədbirdə şagirdlər tərəfindən şairin qəzəlləri səsləndirildi, əsərlərinə münasibət bildirildi və təqdimatlar dinlənildi. Şairin yaradıcılığında sevilən qəzəllərindən olan ” Söz “ qəzəlinin beytlərinin izahı tədbirə xüsusi maraq qatdı.