Şərqdən doğan günəş
Məhəmməd Füzuli Azərbaycan ədəbi-bədii irsinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli sənətkardır. Hərtərəfli biliyə malik mütəfəkkir kimi onun həyata, insana dərin məhəbbət aşılayan və daim gözəllik duyğusu ilə, ülvi ideallarla yaşamağa çağıran çoxcəhətli bədii-fəlsəfi irsi Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdəndir.
Həmin sərvətlərin dəyərini gənc nəsillərə aşılamaq və onları bu istiqamətdə maariflndirmək məqsədilə məktəbin ədəbiyyat müəllimi Şəfa Əhmədova və tarix müəllimi Samirə Həmzəyevanın təşkilatçılığı ilə V “ C” sinfində “ Şərqdən doğan günəş “ adlı nümunəvi dərs təşkil olundu. Dərsdə fənlərarası inteqrasiya qurmaqla klassik şairin həyat və yaradıcılığına ədəbi-tarixi aspektdə münasibət göstərildi. Füzuli ədəbi irsini əks etdirən videoçarx və “ Söhbətül- əsmar “ əsərinin animasiyası nümayiş etdirildi.