Son zəng- 2019
14 iyun 2019-ci ildə “Zəkalar” liseyində son zəng çalındı. 11 il doğma məktəbdə təhsil alan şagirdlər son dəfə şagird olaraq bir yerə toplandılar. Tədbir Azərbaycan Respublikasının dövlət himni ilə başlandı. Məzunlar sinif rəhbərləri ilə birgə həyətə dəvət edildikdən sonra liseyin direktoru Aygün Əhmədli çıxış etdi. Çıxış zamanı dərs ilinin uğurlarından bəhs edən direktor onlardan xüsusilə fərqlənənləri fəxri fərmanlarla mükafatlandırdı. Daha sonra məzunları təbrik etmək üçün tədbiri izləyən Xətai rayon İH-nin nümayəndələri, liseyin müəllimləri və dəyərli valideynlər çıxış etdilər. Dərs ili boyunca xüsusi nailiyyətləri olan müəllimlər tədbir iştirakçıları qarşısında fəxri fərmanlarla mükafatlandırıldı.
Liseyin şagirdləri və məzunlar maraqlı rəqs nömrələri və mahnılar ifa etdilər. Müxtəlif yarışlarda liseyimizi layiqincə təmsil edən 11-ci sinif şagirdləri Cəbrayıllı Pərvin və Yusifzadə Aidə liseyin simvolik açarını özlərindən sonra bu adı fəxrlə daşıyacaq olan 10-culardan Səfərova Nuraya təqdim etdi.
Tədbirin sonunda son zəng çalındı…
