287 №-li “Zəkalar” liseyi

    21.02.2020-ci il tarixində liseydə Beynəlxalq Ana dili Gününə həsr edilmiş şeir müsabiqsə keçirildi. Liseyin Azərbaycan dili və ədəbiyyat müəllimi Nərmin Səfərovanın  təşkil etdiyi müsabiqədə liseyin V-IX sinif şagirdləri iştirak etdi. Münsiflərin rəyi ilə qalib seçilən  şagirdlərin  mükafatlandırma mərasimi keçiriləcək. 

    21.02.2020-ci il  tarixində 287 nömrəli Zəkalar liseyində  Beynəlxalq Ana Dili Gününə həsr olunmuş tədbir keçirildi. Tədbir  liseyin ibtidai sinif müəllimi  Reyhan Hacinskayanın  təşkilatçılığı ilə keçirildi. Şagirdlərin ifasında təqdim edilən kompozisiya tədbir iştirakçıları tərəfindən alqışlarla qarşılandı. 

    Liseyin ibtidai siniflərində  hər il şagirdlərdə gözəl yazı vərdişlərinin aşılanması məqsədilə "Xəttat"  yarışması keçirilir. Məqsəd şagirdlərdə savadlı və düzgün yazı vərdişlərinin əsasının ibtidai siniflərdən qoyulmasıdır. Reyhan Hacinskayanın ideya müəllifi olduğu ənənəvi yarışın  builki qalibləri də bu tədbirdə mükafatlandırıldı.

      16.02.2020  tarixində 287 nömrəli Zəkalar liseyində növbəti Zəka intellektual riyaziyyat yarışı keçirildi. Liseyin riyaziyyat müəllimi Hüseyn Vəliyevin təşkilatçılığı ilə keçirilən yarışın budəfəki  iştirakçıları yeddinci  sinif şagirdləri idi.  Maraqlı və güclü rəqabət şəraitində keçən yarış boyunca gah bir, gah digər komanda xal hesabı ilə  lider cədvəlində yüksəlirdi. Sonda birinci yerə 7c, ikinci yerə 7k, üçüncü yerə isə 7e sinifinin komandası layiq görüldü. Qaliblər  dəyərli hədiyyələr və diplomlarla mükafatlandırıldılar.

    Məktəbli kitabçalarının aparılması vəziyyətinin öyrənilməsi məqsədilə təşkilati işlər üzrə direltor müavini  tərəfindən mütəmadi olaraq  məktəbli kitabçaları yoxlanılır. Bu  sinif rəhbərləri, müəllim, şagird və valideynlərin təhsilə münasibətinin müəyyənləşdirilməsi, məktəb-valideyn əlaqələrinin gücləndirilməsi  baxımından vacibdir. 

     12.02.2020-ci il tarixində 287 nömrəli Zəkalar liseyinin VI və VII sinif şagirdləri ilə "Mütaliənin həyatımızda rolu"  adlı görüş keçirildi.  Təşkilati işlər üzrə direktor müavinin təşkil etdiyi tədbirdə geniş dünya görüşünün formalaşmasında kitabların rolunun vacibliyi vurğulandı. Mövzu ilə əlaqədar videoçarx nümayiş etdirildi. Tədbir şagirdlərə mütaliə vərdişlərini  aşılamaq məqsədi daşıyırdı.