287 №-li “Zəkalar” liseyi

Aprelin 19-da “Sabahın alimləri” XIII Respublika Müsabiqəsinin final mərhələsinin bağlanış mərasimi keçirilib. Müsabiqədə liseyimizi təmsil edən XI sinif şagirdləri  Nazlı Bəxtiyarova və Nüsrət İslamlıdan ibarət komanda III yerin sahibi oldu. Dəfələrlə müxtəlif yarışlarda qalib adı alan şagirdlərimiz bu  dəfə də onlara göstərilən etimadı doğrultdular. Hər iki şagirdimizi təbrik edir, yeni nailiiyyətlər arzu edirik.

Azərbaycanda ilk dəfə keçirilən   "ROBOTEX Azərbaycan" festivalında qalib olan    iki komandamız ölkəmizi təmsil etmək üçün bu gecə Antalyaya yola düşdü. X sinif şagirdlərindən ibarət "Dynamite" komandası “Green Entrepreneurship - Yaşıl sahibkarlıq” kateqoriyasında, VII sinif şagirdlərindən ibarət "Modern engineers" komandası "Mini sumo" kateqoriyası üzrə yarışlara qatılacaqlar.
     Şagirdlərimizə açıq yol və yarışlarda  uğular azru edirik.

17.04.2024-cü il tarixdə liseyin kimya fənn müəllimi Səfərova Sənubər  8c sinfində açıq dərs təşkil etdi. Dərsin mövzusu " Kimyəvi reaksiyanın sürətinə təsir edən amillər" idi. Dərs prosesində şagirdlər müəllim tərəfindən verilən suallara cavab verir, müxtəlif tapşırıqlar həll edir, əldə etdikləri biliklərə əsaslanaraq təcrübələr aparırlar. Açıq dərsdə iştirak edən liseyin direktoru A.Əhmədli dərsin yüksək səviyyədə keçdiyini, dərs prosesi boyu şagirdlərin aktivliyindən razı qaldığını bildirdi.

2024-cü il aprel ayı fəaliyyət planına əsasən liseyin psixoloqu Hacıyeva Xatirə ümumtəhsil müəssisələrinin şagirdləri arasında saglam həyat tərzi, reproduktiv sağlamlıq, erkən nigahların qarşısının alınması məqsədilə  IX siniflərdə təhsil alan qızlar və oğlanlarla ayrıca  "Erkən  nigah" mövzusunda psixoprofilaktik seminar təşkil etmişdir. Psixoloq şagirdlərə erkən nigahın fəsadlarından, mənfi nəticələrindən bəhs etmiş, dövlət tərəfindən müəyyən edilmiş nigah yaşı, eləcə də erkən nigah zamanı valideynlərin  dövlət orqanları tərəfindən məsuliyyətə cəlb olunacaqları barədə məlumatlar vermişdir.

Liseydə "Yaşıl dünya naminə həmrəylik ili" ilə bağlı tədbirlər davam edir. Liseyin Azərbaycan dili və ədəbiyyat müəllimi Xəyalə Tağıyeva IX sinifdə  Əhməd Cavadın "Göygöl" şeirində Göygölün füsünkar gözəlliyindən söhbət açdı. Şagirdlərin   nəzərinə çatdırıldı ki, vətənimizin zəngin təbiəti xalqımızın sərvətidir və bu sərvəti qorumaq, mühafizə etmək, onun flora və faunasına can yandırmaq hər bir Azərbaycan vətəndaşının borcudur.