287 №-li “Zəkalar” liseyi

   Novruz bayramı ərəfəsində liseyin kitabxanasında "Dəyərlərimiz bədii ədəbiyyatda"  adlı guşə hazırlandı. Liseyin kitabxana müdiri Nərgiz İdayətovanın rəhbərliyi ilə təşkil olunan guşədə xalqımızın adət-ənənələinin əks olunduğu kitab və bədii ədəbiyyat nümunələri yer aldı. 

     Liseyin 5a sinifində  "Dəyərlərimizi qoruyaq" adlı texnologiya dərsi keçirildi. Liseyin texnologiya müəllimi Səmayə Məmmədovanın rəhbərliyi ilə  şagirdlər qruplar şəklində bölünərək,  milli mətbəxin un məmulatlarının ən sevilən təamlarından olan qutab və şəkərbura  hazırladılar. Dərsdə liseyin rəhbərliyi və müəllim heyəti iştirak edirdi. Liseyin direktoru Aygün Əhmədli  şagirdlərə məmulatların hazırlanması ilə bağlı dəyərli məsləhətlər verdi. 

  Liseyin 5c sinifində   Novruz bayramına həsr olunmuş "Dəyərlərimizi qoruyaq"  adlı    ədəbi-bədii  açıq dərs keçildi. Liseyin Azərbaycan dili və ədəbiyyat müəllimi Sahilə Bilalovanın  keçirdiyi dərsdə liseyin rəhbərliyi  və  fənn müəllimləri  iştirak edirdi. Dərsdə xalqımızın əziz bayramı ilə bağlı məlumatlar verildi, videoçarxlar izləndi. Şagirdlər  ölkəmizin ayrı-ayrı bölgələrinin Novruz ənənələri haqqında danışdılar. Açıq dərs bayram  əhval-ruhiyyəli mahnı ilə sonlandı.

     Novruz bayramına həsr olunmuş "Dəyərlərimizi qoruyaq"  adlı  ədəbi-bədii  ingilis dili fənni üzrə açıq dərsi keçildi. Liseyin ingilis dili müəllimi Fatimə Süleymanovanın 5b sinifində keçirdiyi dərsdə liseyin rəhbərliyi  iştirak edirdi. Dərsdə şagirdlər Novruz adət-ənənələri haqqında ingilis dilində məlumat verdilər. Dərsdə qeyd edildi ki, 2010-cu ildən etibarən Novruz Bayramı beynəlxalq bayram elan olunmuşdur. Dərsin gedişatında Novruz bayramı ilə Milad bayramlarının atributları müqayisə olundu. Şagirdlərin orijinal və maraqlı fikirlər bildirdilər.

     Novruz bahar bayramıdır. Yeni gün deməkdir. Bu bayramda təbiət təzələnir, canlanır. Novruz Azərbaycan xalqının qədimdən bu günümüzə  yaddaşlardan süzülüb gələn əziz bayramıdır. El adət-ənənələrimizi, milli -mənəvi dəyərlərimizi qoruyub saxlamaq üçün, gələcək nəsillərə ötürmək, yaşatmaq hər birimizin borcudur. Zəkalar liseyinin 5b sinif şagirdləri, sinif rəhbəri Xəyalə Tağıyeva, kitabxanaçı Nərgiz İdayətova xalq tamaşası "Kosa-kosa, sanamalar, bayatılar, el deyimləri ilə zəngin bir tədbir keçirərək  milli  adətlərimizi bir daha yaddaşlarda təzələdilər.