Ədəbi natura
17 may 2019-cu il tarixində liseyimizdə Beynəlxalq Oxu gününə həsr olunmuş "Ədəbi natura" adlı tədbir keçirildi. Tədbirin mahiyyəti şagirdlərinin oxuduğu ədəbi əsərlərə natura yaratmaq idi. Tədbirdə liseyin rəhbərliyi ilə yanaşı BŞTİ və TN-nin kitabxana sektoru üzrə nümayəndələri də iştirak edirdi. Tədbir liseyin kitabxana müdiri İdayətova Nərgiz tərəfindən hazırlanmışdı. Şagirdlər oxuduqlara əsərlərə qurduqları kompozisiyaları təqdim etdilər. Tədbirdə şagirdlər gözəl musiqi nömrələri də ifa etdilər. Aparıcılar kitabların yaranma tarixi ilə bağlı hazırladıqları videomaterialı tədbir iştirakçılarına izlətdilər. Tədbirin sonunda qaliblər mükafatlandırıldı. Şagirdlərə Hacinskaya Reyhanın tərtib etdiyi "Qızıl firça" döş nişanları və fəxri fərmanlar təqdim edildi.