IV Ekoloji Forumu keçirilib
ADA Universitetində aprelin 30-da “Yaşıl Şəbəkə” illik ekoloji maarifləndirmə proqramı çərçivəsində Gənc Ekoloji Liderlərin IV Ekoloji Forumu keçirilib.
Toplantıda məqsəd məktəblilərin ekoloji biliklərinin artırılması, 2015-ci ildən etibarən fəaliyyətə başlayan “Yaşıl Şəbəkə” devizi altında uşaq və gənclərin ekoloji hərəkatının genişləndirilməsi, ətraf mühitin qorunması sahəsində xüsusi bacarıqların aşılanması və “Ekoklub” liderlərinin bu ilki fəaliyyətinə dair təcrübə mübadiləsinin təmin edilməsidir.
Azərbaycan Respublikası Təhsil Nazirliyi, Respublika Uşaq-Gənclər İnkişaf Mərkəzi (RUGİM) tərəfindən keçirilən Ekologiya və Təbii Sərvətlər Nazirliyi, ADA Universitetinin tərəfdaşlığı ilə Forumda Bakı şəhəri və, ilk dəfə olaraq, 27 müxtəlif rayon UGİM-lərində fəaliyyət göstərən 2600 “Ekoklub” üzvləri arasindan seçilmiş 120 məktəbli liderlər iştirak edib.
Liseyimizi tədbirdə ekoklubun rəhbəri, Respublika Uşaq-Gənclər İnkişaf Mərkəzinin çalışanı Münəvvər Əhmədova, ekolubun lideri Nəzrin Miriyeva, müavinlər Zərifə Hüseynova və Babayeva Aydan təmsil edirdilər.
Forumun rəsmi açılışında Azərbaycan Respublikası Təhsil Nazirinin müavini Firudin Qurbanov, Ekologiya və Təbii Sərvətlər Nazirinin müavin Novruz Quliyev, ADA Universitetinin icraçı prorektoru Fariz İsmayılzadə, RUGİM-in direktoru Firuzə Sultan-zadə çıxış edib.
Toplantı “Ekoklub” liderlərinin bir illik fəaliyyət hesabatı və onların BMT tərəfindən müəyyən edilən 2030-cu ilədək dayanıqlı inkişaf sahəsində 17 Dayanıqlı İnkişaf Məqsədləri ilə bağlı təkliflər paketinin təqdimatına dair sessiya ilə davam etdirilib.
Forumda məktəblilər həmçinin ADA Universitetinin Ekologiya və Təbii Sərvətlər Nazirliyi və AzEkol şirkəti tərəfindən birgə həyata keçirilən “Təmiz Ölkəm” layihəsi ilə tanış olublar. Layihə plastik kütlənin zərəri barədə ictimaiyyәt arasında maariflәndirmә tədbirlərinin aparılması, plastik şüşələrin toplanaraq tәkrar emala göndәrilmәsi və beləliklə də, onların yaratdığl tullantı hәcminin azaldılmasına xidmət edir.
Forumun sonunda gənc ekoloqlar üçün Ekologiya və Təbii Sərvətlər Nazirliyinin Milli Hidrometeorologiya Departamentinə, SOCAR Ekologiya İdarəsinin Ekoloji Monitorinq Departamentinin Kompleks Tədqiqatlar Laboratoriyasına və AzEkol şirkətinə tanışlıq məqsədilə ekskursiyalar keçirilib. Sonda Forum iştirakçıları diplomlarla təltif olunub.
