Uşaqlar sevinsin həmişə
Liseyin 1a sinifi maraqlı bir tədbirlə çıxış etdi. Sinif rəhbəri N.Sevincin hazırladığı maraqlı ssenarinin əsas xəttini keçmiş zamanlarda yaşamış uşaqlarla müasir Azərbaycanda yaşayan uşaqların hüquqlarının müdafiəsi məsələsi təşkil edirdi. Sehirli xalat geyərək zamanda səyahət edən iki şagird müxtəlif dövrlərdə uşaqların hüquq və vəzifələri ilə tanış olur, həmin zamanda təhsilin səviyyəsi, müxtəlif xalqların mədəniyyəti barədə məlumat alırlar. Səyahətin sonunda günümüzə gəlib çıxan səyyahlar liseyimizdə Uşaqların Müdafiəsi Gününə təsadüf edən bayram şənliyinə qatılırlar. Maraqlı səhnəciklər, rəqslər balacalar tərəfindən məharətlə ifa edildi. Sonda dünyaya sülh mesajı olaraq müxtlif dillərdə "Uşaqlar sevinsin həmişə" ifadəsi səsləndirildi.