Liseyimizdə psixoloji layihə həyat keçirildi
22 sentyabr -22 dekabr tarixləri arasında məktəbimizdə psixoloji layihə keçirildi. Layihənin mövzusu " Şagirdlərin güvəninin qazanılması və müəllimlərin maraqlı dərs keçməyini təmin edən psixoloji keyfiyyətlərin və davranış modellerinin formalaşdırılması " idi. Layihədə 70-ə yaxın müəllim və məktəbin 6 -10 cu sinifləri iştirak etdi .
Layihə 3 hissədən ibarət idi. 1-ci hissədə şagirdlər paylanılmış blanklarda müəllimlərdə bəyəndikləri, görmək istədikləri davranış modellerini qeyd etdiler. 6 -10 sinif şagirdlərinin yazdıqları qeydlər yığıldı və təhlil edildi.
2-ci mərhələ müəllimlərlə müsahibə mərhələsi idi. Məktəbin bütün müəllim heyəti bu müsahibədə iştirak etdi. Müsahibə zamanı hər müəllimə 15 -20 dəqiqə vaxt ayrıldı. Müəllimlərə şagirdləri ilə bağlı, eləcə də dərs keçərkən rastlaşdıqları çətinliklər barədə maraqlı ve düşündürücü suallar verildi. Toplanılmış məlumatlar analiz edildikdən sonra 3 -cü mərhələyə başlanıldı.
3-cü mərhələdə şagirdlər konkret fənlər üzrə onlara dərs keçən müəllimlerin davranış modellərini seçib qeyd etdiler.
Bütün mərhələlər üzrə əldə olunmuş məlumatlar təhlil olundu və 14 -15 dekabr 2017 -ci il tarixində müəllimlərlə seminarlar təşkil edildi. 14 dekabr tarixində 32 müəllim ,15 dekabrda isə 37 müəllim seminarda iştirak etdi. Seminarların hər biri 1 saatı əhatə etdi. Burada müəllimlərə toplanılmış məlumatlar əsasında şagirdlərin güvənini qazanmaları ilə bağlı qiymətli tövsiyyələr verildi .
