Qaliblər mükafatlandırldı
Son günlərdə müxtəlif bilik yarışlarında qalibiyyət qazanan şagirdlərimiz liseyin kollektivinə böyük qürur hissi yaşadır. Onların sevincini bütün liseylə bölüşmək və bu uğurların azyaşlı şagirdlərimizə də motivasiya olması məqsədilə 24 aprel tarixində səhər sırası zamanı qaliblər kürsüyə dəvət olundular. Liseyin direktoru A.Ə.Əhmədli hər bir şagirdi xüsusi təbrik edərək onlarla qürur duyduğunu və gələcək təhsil həyatlarında da bu uğurlarının davamını dilədi. Qeyd edək ki, bu istedadlı şagirdlər “Sabahın alimləri” XIII Respublika Müsabiqəsinin final mərhələsinin qalibi olan XI sinif şagirdləri Nazlı Bəxtiyarova və Nüsrət İslamlı , “ROBOTEX Türkiyə" qalibi olan X sinif şagirdləri İbrahim Əliyev, Murad İslam və Vüsal Əlizadədən ibarət "Dynamite" komandası və VII sinif şagirdləri Ümid Nağızadə, İbrahim Cəfərli, Samir Bağırovdan ibarət "Modern engineers" komandasının üzvləri idi. Liseyin direktoru eyni zamanda şagirdlərin üzərində əməyi olan hər bir müəllimə öz təşəkkürünü bildirdi.