Novruz ətirli ədəbiyyat dərsi
Novruz Azərbaycan xalqının qədimdən bu günümüzə yaddaşlardan süzülüb gələn əziz bayramıdır. El adət-ənənələrimizi, milli -mənəvi dəyərlərimizi qoruyub saxlamaq, gələcək nəsillərə ötürmək və yaşatmaq hər birimizin borcudur. Zəkalar liseyinin Azərbaycan dili və Ədəbiyyat müəllimi Səbinə Məmmədova 8b sinif şagirdləri ilə birlikdə ədəbiyyat dərsini məhz bu mövzuya həsr etdilər. 45 dəqiqə ərzində Türk xalqlarının Novruz adət - ənənələri şagirdlərin təqdimatında geniş yer aldı. 5 komandaya ayrılmış şagirdlər Azərbaycan, Türkiyə, Qırğızıstan, Özbəkistan və Türkmənistan kimi dövlətlər haqqında geniş məlumat verdilər. Sanamalar, bayatılar, el deyimləri ilə zəngin bir dərsin təşkili milli adətlərimizi bir daha yaddaşlarda təzələdi.
