Liseydə "Dəyərlərimizi qoruyaq!" layihəsi üzrə işlər davam edir
13 mart 2024-cü il tarixdə liseyin Texnologiya fənn müəllimi Məmmədova Səmayə milli-mənəvi dəyərlərimizin qorunması və zənginləşdirilməsi, təhsilalanlarda bu dəyərlərə məhəbbət yaratmaq və onları bu ruhda tərbiyə etmək məqsədilə təşkil etdiyi dərslərdə Novruz adət və ənənələri mövzusuna toxundu. 6e sinfində şagirdlər rəngli kağızlar, yapışqan, qayçı, toxuma və tikmə vasitələrindən istifadə edərək Novruz xonçası hazırladılar. 7e sinif şagirdləri isə STEAM dərsində 3D printeri vasitəsilə Novruz nemətləri olan paxlava, şəkərbura, bundan əlavə səməni və xarı bülbül fiqurları düzəltdilər.
