Hər şey övladlarımız üçün
"Ailəm və məktəbim" layihəsi çərçivəsində valideynlərlə görüş keçirilib. "Hər şey övladlarımız üçün" mövzusunda keçirilən görüşdə liseyin təşkilatçısı Aysel Şıxəliyeva və Azərbaycan dili və ədəbiyyat müəllimi Günay İskəndərova çıxış edib. Valideynlərə uşaqların yaş psixologiyası, valideyn-övlad münasibətləri, tərbiyədə buraxılan ümumi səhvlər, tam və natamam ailələrdə böyüyən şagirdlərin psixolji sferalarındakı oxşar və fərqli cəhətlər barədə ətraflı və maraqlı məlumatlar verib. Valideynləri maraqlandıran suallara cavab verib.
